Սյունիքի մարզում անցկացվող ամենամյա "Ոչխարների խուզման փառատոնին" կարող եք ականատես լինել ոչխարների խուզման հին ավանդույթին, որի արդյունքում ստացված բուրդը օգտագործվում էր գորգագործության կամ կենցաղի մեջ։ Սովորաբար մի ոչխարի խուզումը տևում է 25 րոպե, սակայն բուրդը շատ երկար ճանապարհ է անցնում նախքան գորգ դառնալը:
Փառատոնը համայնքային զարգացման և զբոսաշրջության խթանման նպատակ ունի։ Հայաստանում Նորվեգիայի թագավորության պատվո հյուպատոս Թիմոթի Դեյվիդ Սթրեյթը՝ մասնակցելով 2014 թվականի փառատոնին ասել է, որ Սյունիքի գյուղերն ագրոզբոսաշրջության առումով զարգանալու հեռանկար ունեն և, ճիշտ աշխատանքի դեպքում, կարող են դառնալ Հայաստանում ագրոզբոսաշրջության այցեքարտը։
Փառատոնին կարող եք ականատես լինել ոչխարների խուզման մրցույթին, մասնակցել կազմակերպվող խաղերին, վայելել ազգային երգն ու պարը, ինչպես նաև մասնակցել ցուցահանդես-վաճառքին։
Այդ օրը տարբեր համայնքների տեղական արտադրողները և գյուղացիները ներկայացնում են իրենց արտադրանքը` տնական սննդամթերք, խմիչքներ, ձեռագործ հուշանվերներ և կենցաղային իրեր:
Ոչխար խուզելը հայտնի է ամբողջ աշխարհում (ԱՄՆ, Շոտլանդիա, Նոր Զելանդիա, Իռլանդիա)։ Սակայն Հայաստանում այս գործընթացի առանձնահատկությունն այն է, որ այստեղ դա անում են հատուկ ավանդական մկրատների օգնությամբ, այլ ոչ թե մեխանիկական սարքերով:
Նավասարդը հայկական տոմարի առաջին ամիսն է։ Ժամանակակից տոմարով այն սկսվել է օգոստոսի 11-ին։ Հենց այդ ժամանակ են հայերը տոնել Նոր տարին։ Ըստ Անանիա Շիրակացու և Հովհաննես Իմաստասերի՝ Նավասարդը Հայկ Նահապետի դուստրն է, որի անունով նախահայրն անվանել...
Շարունակել
Ձուկը հատուկ տեղ ունի հայկական խոհանոցում։ Հայաստանում ձկան փառատոնը հաճախ անցկացվում է Զատկի տոնին ընդառաջ, քանի որ ձուկը քրիստոնեության գլխավոր խորհրդանիշներից մեկն է։ Փառատոնին ներկայացվում են ձկան հայկական ավանդական և նոր ուտեստներ։ Բազմաթիվ ընկերություններ և ռեստորաններ...
Շարունակել
Թթի փառատոնը կազմակերպվում է Հայաստանի մի քանի վայրերում և Լեռնային Ղարաբաղում: Առաջին թթի փառատոնը տեղի է ունեցել 2015 թվականին Արցախում՝ Ամարաս վանքի հարակից տարածքում։ Ավելի քան 30 մասնակից ԼՂՀ-ից ու Հայաստանից ներկայացնում են իրենց սեփական արտադրությունը:...
Շարունակել2026 Armenia Discovery. Բոլոր իրավունքները պաշտպանված են
Տեխնիկական աջակցությունը՝ Munich Ventures